გოგი მეშველიანმა და დავით შერაზადიშვილმა სოფელ წიფორსა და ხახალაჯვარში რიტუალების სახლების მოწყობის სამუშაოები მოინახულეს

0

საქართველოს პარლამენტის წევრი, ბოლნისის მაჟორიტარი დეპუტატი გოგი მეშველიანი, ბოლნისის მუნიციპალიტეტის მერი დავით შერაზადიშვილი, მუნიციპალიტეტის საკრებულოს თავმჯდომარისა და მერიის წარმომადგენლებთან ერთად სოფელ წიფორსა და ხახალაჯვარს ესტუმრნენ.

მუნიციპალიტეტის ხელმძღვანელმა პირებმა სოფლებში არსებული რიტუალების სახლები მოინახულეს და მოსახლეობას შენობების ინვენტარით აღჭურვას დაჰპირდნენ.

სოფელ წიფორში სახელმწიფო საკუთრებაში არსებული ამორტიზირებული ძველი მეურნეობის შენობას მოსახლეობამ დემონტაჟი ჩაუტარა და მუნიციპალიტეტის თვითმმართველობის მხარდაჭერით, საკუთარი სახსრებით რიტუალების სახლი ააშენა. სოფელ ხახალაჯვარში კი სრულიად ახალი, თანამედროვე სტანდარტებთან შესაბამისი შენობა მოეწყო.

“სოფელ წიფორსა და ხახალაჯვარში ახლად აშენებული რიტუალების სახლი, მოსახლეობასთან ერთად მოვინახულეთ. აღსანიშნავია, რომ მშენებლობა ადგილობრივი მცხოვრებლების ინვესტიციით და მუნიციპალიტეტის თანადგომით განხორციელდა.

მინდა საფროვ ფარვეზ ალადინ ოღლის, ჯაფაროვ ჯვანშერ საფარ ოღლის და ყველა იმ ადამიანს ვინც წვლილი შეიტანა სოფლისთვის მნიშვნელოვანი პროექტის განხორციელებაში მადლობა გადავუხადო. მათი მხრიდან ეს არის, მაღალი სამოქალაქო პასუხისმგებლობის გამოხატვა და სახელმწიფოებრივი აზროვნების გამოვლენა.”- განაცხადა გოგი მეშველიანმა.


Share.

Leave A Reply