საშობაო ალილო ბოლნისში

0

მართლმადიდებლური სამყარო დღეს შობის დღესასწაულს აღნიშნავს. ბოლნისის ეპარქიის ყველა მოქმედ ტაძარში საზეიმო წირვა- ლოცვა აღევლინა. შობის ღამეს სიონის საკათედრო ტაძარში მაცხოვრის შობის დღესასწაულთან დაკავშირებით, მისი მაღალყოვლადუსამღვდელოესობამ ბოლნელმა მთავარეპისკოპოსმა მეუფე ეფრემმა, ეპარქიის მამებთან ერთად საზეიმო ღვთისმსახურება ჩაატარა. საზეიმო მსახურებას ქვემო ქართლში სახელმწიფო რწმუნებული, ბოლნისის მუნიციპალიტეტის მერთან და ადგილობრივ ხელისუფლების წარმომადგენლებთან ერთად დაესწრო. შობის დღესასწაული ტრადიციული საშობაო ,,ალილოს ’’ მსვლელობით გაგრძელდა, სადაც ბოლნელმა ეპისკოპოსმა ღვთისმშობლის ნიშთან სავედრებელი პარაკლისი გადაიხადა. ,,ალილოს’’ მსვლელობა მოხუცთა სახლში დასრულდა, სადაც მეალილოებმა შეგროვილი ნობათი მოხუცებს გადასცეს და ქრისტესშობა ახარეს.


Share.

Leave A Reply